بالرغم من جمال تجربة الرضاعة الطبيعية اللي بتعيشها الأم مع البيبي، ممكن تواجه بعض الأمهات تحديات زي تشقق حلمة الثدي اللي بتسبب ألم وانزعاج خصوصًا وقت الرضاعة.  لأنها مش بس بتمنحه الغذاء والحنان في نفس الوقت.. لا دي بتقوي الرابط العاطفي بينهم. في المقال التالي هنناقش ايه هي اشهر الأسباب اللي ممكن تسبب ليكي تشقق في حلمة الثدي اثناء فترة الرضاعة الطبيعية وازاي تتجنبيها بحلول بسيطة.

بس يا ترى ايه هي أهم أسباب تشققات حلمة الثدي أثناء الرضاعة الطبيعية؟

 1- وضعية الرضاعة الغير صحيحة :

عندما لا يلتقم البيبي الثدي بالطريقة الصحيحة ، و يأخذ جزء من الحلمة فقط بدلا من الهالة كاملة ، يزيد ذلك من الضغط على الحلمة مما يؤدي الى التشققات .

النصيحة:  اتأكدي إن فم البيبي مفتوح كويس، والذقن ملامس للثدي، وإنه بياخد معظم الهالة مش الحلمة فقط

2- جفاف الجلد :

قلة الترطيب وعدم استخدام كريمات مناسبة زي الكريمات اللي بتحتوي على اللانولين بيخلي الجلد يفقد مرونته ، وبالتالي يبقى أضعف قدام الاحتكاك المستمر أثناء الرضاعة.

3- الرضاعة لفترات طويلة :

الرضاعة المستمرة لفترات طويلة بدون فواصل ممكن تسبب تهيج في الجلد وزيادة احتمالية التشققات. أحيانا كمان البيبي بيرضع للتهدئة مش بس للجوع ، وده بيزود وقت الضغط على الحلمة.

4- الالتهابات و العدوى :

ممكن يكون سبب التشققات التهابات جلدية أو عدوى فطرية (زي فطر القلاع الفموي عند الرضع).و في الحالة دي بنحتاج الى تدخل طبي علشان ميحصلش اى مضاعفات.

5- استخدام شفاطة حليب بطريقة خاطئة :

بعض الأمهات بتلجأ لشفط الحليب، ولو كان الضغط عالي أو الشفط غير مناسب ممكن يسبب تهيج وتشقق في الحلمة.

6- التنظيف الزائد بالصابون :

بعض الأمهات جلدهم حساس جدا ، وأي احتكاك أو استخدام الصابون الزائد ممكن يسبب جفاف وتشقق.

لكن السؤال المهم هو … ازاي تتجنبي تشقق حلمة الثدي أثناء الرضاعة الطبيعية:

• التأكد من وضعية الرضاعة الصحيحة
• استخدام كريم مرطب آمن للرضاعة خصوصًا المنتجات الطبيعية أو التي تحتوي على اللانولين.
• تجفيف الحلمة بلطف بعد كل رضعة، وتجنب الفرك العنيف.
• ترك الحلمة تتعرض للهواء لبضع دقائق بعد الرضاعة لتقليل الرطوبة.
• استشارة الطبيب في حال استمرار الألم أو زيادة التشققات.